棋哥燒鵝 (已結業)

由于系尖沙咀上堂既关系，所以经常会系呢头食饭，前后嚟过棋哥烧鹅食过两次，两次都系叫左烧鹅饭同盐焗手撕鸡饭，但水准感觉上有啲参差。第一次去食既时候，烧鹅皮脆肉嫩，调味适中，唔会净系得层皮有味，而且系晚饭时间65蚊连野饮，性价比算系几高，至于盐焗手撕鸡饭，可以好清楚咁食到咸香味同芝麻既香味，唔会好似外面有啲手撕鸡饭咁落好多酱油，盖过晒啲味。但第二次黎就有啲失望，个烧鹅完全唔热，皮亦都唔脆，而个手撕鸡饭啲鸡直情好似系雪柜啱啱拎出黎咁，虽然味道上都同第一次差唔多，但口感上真系差好远，希望餐厅可以做好啲QC,保持到食物既水准。