蓉玥 (已結業)

好多中环返工嘅朋友都介绍话呢间嘅酸菜鱼同四川菜几好食，但晚市因为限聚只可以外卖，就试吓外卖酸菜鱼。今次叫了酸菜鱼给一个炸墨鱼饼，酸菜鱼另外加咗配菜（加咗窝笋，鱼腐等）拎外卖嘅时候热辣辣，但返屋企路程遥远，我自己都在有煲返热嚟食。鱼片嘅份量算多，但配菜一个+10几蚊份量就唔算好多，两个人叫做够食，酸菜鱼嘅汤底比较青，个人口味来讲觉得可以再酸d，但嗌小辣来讲辣嘅程度对我来讲啱啱好。唔知系咪个墨鱼饼拎到返屋企林左唔好食，份量少，可能叫其他𩠌会抵啲。整体来讲觉得都OK，下次可以试吓堂食， 佢其他四川菜都好似几吸引。不过值得一提嘅系佢每个外卖盒都要收钱，我今次外卖就一共用咗五个盒收咗我$5 ，我觉得可以用个大啲嘅盒一来环保啲，二来唔使夹硬要人俾钱，依家限聚唔可以堂食大家都局住要外卖，要收外卖钱仲要一蚊一个觉得唔系几抵。