金龍冰室。 川湘菜

营业中

休息中

近排天气湿湿冻冻咁，无咩胃口，净系好想食返啲辣野暖下身🌶️食左呢间主打川菜金龙冰室，估唔到好有惊喜～招牌水煮鱼个酸辣好正好正宗，汤底又浓郁，一路食一路标紧口水出黎，鱼肉又大件，味道清甜，质地又嫩滑😍辣子肥肠，本人非常钟意食肥肠，肥肠炒得又脆又爽，唔痴牙，最紧要系新鲜！加埋麻辣炒，忍唔住一件接住一件，好好食🤤再黎个杂锦香锅，入面乜都有，主要系素菜同猪肉，唔会好辣，同时惹味，送饭就啱哂～食左咁多野最后埋单都唔洗$500😌性价比超高嘅一餐，下次想食辣野时一定会再黎！