影片
更多
2020-06-11
2419 浏览
呢间有几个朋友推荐过，话平价好食，但次次经过都见好多人排队。依家疫情关系，人唔算多，每个卡位都有野隔住，枱都够大，坐得都算舒服。食佢地既海鲜火锅，每位$200，员工话已经好耐冇加过价。价钱包固定数量既海鲜，种类同数量都好多，叫左之后会见佢一碟碟海鲜送上黎，真系好开心，仲要每碟都好新鲜，好有诚意。海鲜就放入佢既粥水入面煮熟，唔同海鲜可以按佢建议时间煮，枱旁边有个计时器比你方便预时间。由于蟹既最佳时间长，所以我地都有用计时器，但现场听唔到有其他人用🙊。不过跟佢个时间，真系煮得刚刚好，试过煮耐左口感差好远。食完海鲜可以加d肉落去。本身以为佢d肉会系平时酒楼打边炉个种平价肉，但系见佢脂肪唔多，比例刚刚好。猪肉比较薄，可以好快煮熟，口感唔错。下一步系煮蔬菜煲，有南瓜粒同芋头粒比你，可以早d落会熟d。我地仲拣左小笼包，细细粒几得意，入面仲有好多汤汁。食到呢度都开始饱饱地。煲粥水亦都开始会好易痴底，所以要搅拌多d。就黎食粥既关系，职员唔会再加水，如果唔系d粥会好淡，同会溅出。最后，所有海鲜既精华就响哂呢煲粥入面。入面会加芫茜同猪油渣，芫茜香同油渣既爽脆都好正。可惜食到有d饱，都系食到一碗。整体黎讲，
食佢地既海鲜火锅，每位$200，员工话已经好耐冇加过价。价钱包固定数量既海鲜，种类同数量都好多，叫左之后会见佢一碟碟海鲜送上黎，真系好开心，仲要每碟都好新鲜，好有诚意。
海鲜就放入佢既粥水入面煮熟，唔同海鲜可以按佢建议时间煮，枱旁边有个计时器比你方便预时间。由于蟹既最佳时间长，所以我地都有用计时器，但现场听唔到有其他人用🙊。不过跟佢个时间，真系煮得刚刚好，试过煮耐左口感差好远。
食完海鲜可以加d肉落去。本身以为佢d肉会系平时酒楼打边炉个种平价肉，但系见佢脂肪唔多，比例刚刚好。猪肉比较薄，可以好快煮熟，口感唔错。
下一步系煮蔬菜煲，有南瓜粒同芋头粒比你，可以早d落会熟d。我地仲拣左小笼包，细细粒几得意，入面仲有好多汤汁。食到呢度都开始饱饱地。煲粥水亦都开始会好易痴底，所以要搅拌多d。就黎食粥既关系，职员唔会再加水，如果唔系d粥会好淡，同会溅出。
最后，所有海鲜既精华就响哂呢煲粥入面。入面会加芫茜同猪油渣，芫茜香同油渣既爽脆都好正。可惜食到有d饱，都系食到一碗。整体黎讲，每样食材都好满意，所有海鲜都好鲜甜，尤其推荐多宝鱼。最后既粥真系无得顶。每位$200食到咁多海鲜，唔怪得平时咁多人排队。
张贴
