影片
更多
2023-12-02
191 浏览
呢期奶龍係樂富廣場做活動，身為忠實fans當然要去支持下打下卡。 行完街之後肚仔餓，見唔駛排隊，就貪方便去左隔離嘅蒲羅食午餐。呢間餐廳都係第一次食，估唔到午餐又唔係好貴，$80內就有一個set，但要留意返佢午餐係要加一服務費。 馬來燒雞配雞油飯 ($60) 落order果時，店員都講明呢個餐要等20分鐘。20分鐘過去，飯終於上檯，眼前係一大塊燒雞扒，皮燒到好脆，但肉依然保持嫩口，勁juicy。雞油飯同樣出色，好有雞油香味。飯仲配左半隻糖心蛋，花生同炸魚仔。 巴東牛肉配斑蘭椰漿飯 ($62) 呢碟飯一上檯就俾佢個青bb嘅斑蘭椰漿飯吸引住。斑蘭椰漿飯同雞油飯完全唔一樣，淡淡嘅斑蘭味配上椰漿，有一種好清新嘅感覺。巴東牛肉份量都唔少，同埋炆得好淋。同燒雞飯一樣，都同樣配左半隻糖心蛋，花生同炸魚仔。 跟餐飲品 - 凍馬來拉茶，凍南洋咖啡 拉茶飲落口感好滑，好有馬來西亞味道。南洋咖啡都好香，又唔會太甜。 總括而言，餐廳質素幾好，$80食到一餐馬來西亞餐，性價比好高。
行完街之後肚仔餓，見唔駛排隊，就貪方便去左隔離嘅蒲羅食午餐。呢間餐廳都係第一次食，估唔到午餐又唔係好貴，$80內就有一個set，但要留意返佢午餐係要加一服務費。
馬來燒雞配雞油飯 ($60)
落order果時，店員都講明呢個餐要等20分鐘。20分鐘過去，飯終於上檯，眼前係一大塊燒雞扒，皮燒到好脆，但肉依然保持嫩口，勁juicy。雞油飯同樣出色，好有雞油香味。飯仲配左半隻糖心蛋，花生同炸魚仔。
巴東牛肉配斑蘭椰漿飯 ($62)
呢碟飯一上檯就俾佢個青bb嘅斑蘭椰漿飯吸引住。斑蘭椰漿飯同雞油飯完全唔一樣，淡淡嘅斑蘭味配上椰漿，有一種好清新嘅感覺。巴東牛肉份量都唔少，同埋炆得好淋。同燒雞飯一樣，都同樣配左半隻糖心蛋，花生同炸魚仔。
跟餐飲品 - 凍馬來拉茶，凍南洋咖啡
拉茶飲落口感好滑，好有馬來西亞味道。南洋咖啡都好香，又唔會太甜。
總括而言，餐廳質素幾好，$80食到一餐馬來西亞餐，性價比好高。
张贴
