水門泰式海南雞飯專門店 (已結業)

之前出開深水埗諗住去西九美食廣場食水門雞飯，點知好好彩遇著佢突然冇開😂 拖到今時今日先食到（當然啦 咁出名嘅黃店已經忍唔到口去元朗分店食咗🤤）但一場黎到深水埗都係要黎支持下黃店入正題😋 $35一份泰式海南雞飯🐔配油飯仲要配埋雞湯🥰🥰🥰 海南雞雞皮薄，唔油膩，好香雞味之餘雞油又全部滲哂入油飯度🤤 油飯米粒分明唔會一舊舊，粒粒都俾雞油包裹住🤤🤤 配埋爽口青瓜☺️ 完全唔覺得自己一個人食咗成個雞飯$35睇落細細兜，但點知份量亦比想像中多，食完又唔會膩😋 雞湯有一隻雞腳加幾條蟲草花😍😍雞腳煲到軟淋淋，唔洗出力咬都入口即溶☺️正