金泰美食 (已結業)

小弟生日，一行4人谂住去九龙城揾间泰国餐厅试试，最后拣左金泰。当时时间6点几，所以一入餐厅，一个人都冇，位任坐。首先讲下环境，毫无美感可言，有d似饭堂。我地坐近墙边，会有小量昆虫，不过我地4个麻甩佬，都唔太介意呢d野，最紧要好食！跟住讲服务，泰国餐厅就揾番泰国人做侍应，几有风味既，态度都ok。之后嗌左饮品，叫左杯椰汁冰，size ok大杯，但个人认为稍微过甜。到食物，叫左几款串烧，唔太热，牛就un左小小，鸡就几好，有款叫泰式肠，入面有糯米，酸酸的，我唔知呢款肠本身系咁既味定点，个人就比较不喜欢。另外叫左一个虾酱炒饭同青咖哩牛肉炒饭，四十几蚊碟，炒得几好食，出面同款饭我谂大约都要七八十蚊一碟，所以系抵既。之后到铁板泰式炒蚝，d蚝冇腥味，蛋同芽菜就吸收哂蚝既味，虽然外观就麻麻，但味道不错，值得推介。最后到明炉鱼，都几滑，4个人都够食。仲有蒜蓉炒通菜给冬荫公。总括而言，4个人每人平均都系80蚊，咁既价钱的话，都算ok既。