築匠 (已結業)

久久未有到大角咀用餐，是缘礼拜五晚想食埋糖水先番屋企，甜品店就喺附近，于是先揾下呢头有乜食，逆向思考，最终拣左呢间小店。星期五晚客量唔多，连埋我地只有三枱，都坐得舒适。店员嘅服务亦唔错，不时加茶，当日仲免加一，都算系咁。餐牌选择都多，有啲固定款式嘅鱼生饭，附定食，定价$58-98。亦都有自选配料，最少点三款鱼生就可以，例如三文鱼三切$22、吞拿鱼腩碎$35份等，比较有弹性；另有少量熟食丼，例如牛肉丼、猪扒丼等三文鱼、帆立贝丼 $68丼饭附沙律、面豉汤，卖相还可以，大部份呢类港式鱼生饭都差唔多的，我自己嘅意见系，好过去食争鲜。三文鱼有四片，唔算系好厚身或者肥美，不过尚算新鲜。至于帆立贝有两件，普普通通啦。鱼生饭比较黏身，中规中矩。赤贝、吞拿鱼腩碎、北寄贝自选丼 $89反而朋友点嘅自选丼，质素唔错。赤贝单点$38，爽口鲜味；吞拿鱼腩碎单点$35，滑溜颇香，略嫌配呢种青葱有少少格格不入；至于北寄贝$16两片，爽身唔干柴。呢几款鱼生嘅表现整体比起三文鱼、帆立贝更好三文鱼腩寿司总括而言，小店属于港式街坊鱼生饭，当然唔能够同贵价日本料理媲美，不过七十蚊有找，有个地方正正经经坐低食碗饭，都算过得去。