影片
更多
2018-02-17
6249 浏览
每年公司聚餐既平价之选都系湾景厅，今年既团年饭亦唔例外，胜在就脚、坐得舒服又抵食。一开始一定第一时间冲去寿司吧，刺身只有两款，唔食透明鱼既我专攻三文鱼，虽然唔系三文鱼腩，但都新鲜肥美。 前台仲有寿司饭同三文鱼寿司、腐皮寿司同寿司卷等，不过怕太饱就冇食喇。 午市冷盘都唔会要求咁高，呢度海鲜有青口、蚬同虾，几鲜甜唔会有沙，但大部分甲壳类都冇开口，拎左都唔系几食到。 旁边既沙律吧无论菜类、配料定酱汁选择都算多。 芝士亦有几款配面包饼干，但个人比较钟意creamy软身既芝士，所以唔太合口味；另有藜麦、牛油炒杂菌、薯仔沙律同两款火腿。 熟食选择唔多，分成两排有十几款。我选左以下几款：猪肋骨酱汁几惹味，肉质唔算好嫩滑、正正常常，可列为最受欢迎熟食之一。 蕃茄鱼柳够嫩滑，但鱼味欠奉；咖喱鸡可配薄饼，见咖喱汁较杰所以冇拎到，鸡肉入味不过不失，所以两款都系食过就算。三文鱼几肥美所以拎多左两份，海鲜黎讲虾最鲜甜。 左上既薯仔沙律转左用普通沙律酱，冇之前用蜜糖芥茉酱咁惹味。左下系炒菜心既贵妃蚌，配蒜蓉同炒，够镬气又弹牙。 右下猪脚姜超级入味又啖啖肉，满满既骨胶原好好味。可能藜麦食开酸酸甜甜酱汁，我觉得呢度整
一开始一定第一时间冲去寿司吧，刺身只有两款，唔食透明鱼既我专攻三文鱼，虽然唔系三文鱼腩，但都新鲜肥美。 前台仲有寿司饭同三文鱼寿司、腐皮寿司同寿司卷等，不过怕太饱就冇食喇。
午市冷盘都唔会要求咁高，呢度海鲜有青口、蚬同虾，几鲜甜唔会有沙，但大部分甲壳类都冇开口，拎左都唔系几食到。
旁边既沙律吧无论菜类、配料定酱汁选择都算多。 芝士亦有几款配面包饼干，但个人比较钟意creamy软身既芝士，所以唔太合口味；另有藜麦、牛油炒杂菌、薯仔沙律同两款火腿。
熟食选择唔多，分成两排有十几款。
猪脚姜
51 浏览
0 赞好
0 留言
我选左以下几款：
35 浏览
0 赞好
0 留言
猪肋骨酱汁几惹味，肉质唔算好嫩滑、正正常常，可列为最受欢迎熟食之一。 蕃茄鱼柳够嫩滑，但鱼味欠奉；咖喱鸡可配薄饼，见咖喱汁较杰所以冇拎到，鸡肉入味不过不失，所以两款都系食过就算。
34 浏览
0 赞好
0 留言
三文鱼几肥美所以拎多左两份，海鲜黎讲虾最鲜甜。 左上既薯仔沙律转左用普通沙律酱，冇之前用蜜糖芥茉酱咁惹味。左下系炒菜心既贵妃蚌，配蒜蓉同炒，够镬气又弹牙。 右下猪脚姜超级入味又啖啖肉，满满既骨胶原好好味。
可能藜麦食开酸酸甜甜酱汁，我觉得呢度整得冇乜味，只食到芫茜既草青味。 反而最大惊喜系薄火腿，成块都满布墨西哥辣椒粒，带辣椒香味得黎又唔会好辣。 虾、猪肋骨同猪脚姜都值得encore。
甜品方面，生果同雪糕都经常沽清。 生果拎左西瓜、蜜瓜、菠萝同火龙果，除左火龙果之外都几甜，菠萝最好食。 雪糕系雀巢，但一开始就俾人毕哂，职员亦冇再refill。 比较特别系可以自制pancake，按制后等一分钟就有得食，质地烟韧。
31 浏览
0 赞好
0 留言
左上puff外层软左冇食哂，洒上可可粉既mousse蛋糕最好味，填满朱古力浆既朱古力挞都唔错，但成块有d腻。
整体选择唔多，但质素还可以，唔够饱仲可以去面档食返个喇沙。 不过人手有d不足，一人要负责几个冈位，留意到切鱼生既阿姐亦唔太卫生，戴手套摸完张台又继续切鱼生，员工培训有待加强。
题外话/补充资料：
原价$198 (+10%)，信用卡有85折
(以上食记乃用户个人意见 , 并不代表OpenRice之观点。)
张贴
