吉列牛忌廉烏冬專門店 (百樂中心) (已結業)

呢期频频出街食晏昼，今日又跟同事出去食好嘢，嚟咗呢间吉列牛忌廉乌冬专门店，当然要叫个招牌菜吉列牛套餐($148)，惊四个人唔够分仲追加多一份($98)。另一个招牌菜忌廉乌冬（$78），当然都有叫，今次就试咗鸡肉，上枱嘅时候觉得真系好靓，全个碗面都系忌廉，打得好滑，仲有少少葱花，真系估唔到佢内有干坤，里面竟然系咖喱乌冬，食嘅时候捞匀晒，又唔会觉得忌廉唔夹，几得意。至于吉列牛，一份其实都唔少，仲配有一碗面豉汤、一碗饭，同埋一啲沙律前菜等。追加𠮶份同原先𠮶份基本上一样，只系冇咗饭汤同前菜，牛肉既表面已经用吉列方法处理过，食之前只需放喺一个好似石造嘅器皿上烧，烧到你自己钟意嘅生熟程度就可以了！可以点几款唔同嘅酱汁，基本上都好好味。除此之外，我哋仲叫咗一个「美国顶级牛厘脊套餐」（ $178 ），仲配埋$38嘅咸蛋薯条。我就唔系好知乜嘢叫做牛厘脊，不过就觉得好入味同好腍，加埋堆洋葱一齐食，好香呢！至于咸蛋薯条，又估唔到几好食，本身我唔系特别钟意咸蛋，但系呢个薯条整得好香，又脆又热！仲有一个午餐，系日式鳗鱼炒饭配流心蛋（ $78 ），鳗鱼汁好香，除咗鳗鱼仲有啲菇同芝麻，加埋只流心蛋，捞埋蛋汁成个饭好