影片
更多
2021-04-20
763 浏览
听朋友讲呢间嘢座落观塘区嘅工业大厦入面，而且佢都食过几次，都话整体嘢食唔错。谂住佢牛日就同佢食番次试下睇下有冇料到， 可能真系期望越大失望越大啦，整体水准真系麻麻...餐汤系粟米忌廉汤，主菜加12蚊就有。不过味道就一般。咸到呢... 好明显味精都唔少下。最大问题系碗汤太过结身，似饮紧忌廉酱多过似系饮紧忌廉汤，整体质素麻麻。柚子柠檬梳打，梳打水好明显冇攞搅拌器打过，一饮落口乸到飞起，任何日本餐厅嘅柚子梳打个梳打水都冇佢咁乸。更大问题嘅系，啲柚子同埋蜜糖倒晒落底，但又唔比搅拌羹我捞匀佢，成杯嘢鬼有味咩...仲有一个问题，喺底𠮶啲蜜糖同柚子都唔慌好得去边，柚子完全唔甜又无味。蜜糖系有少少甜味嘅，不过唔重啰。Main Course 系意式蕃茄带子绘意大利粉，骤眼睇好似冇咩问题，但食落就知咩料!第一件事，帆立贝当普通带子本身已经唔太恰当，最衰系连裙边同埋帆立贝个性器官都唔拆！ 用下脑都知帆立贝个性器官本身就已经唔系比人食，咁请问点解拆都唔拆就直接队落去煮比啲客食？裙边唔拆我理解到，但连个性器官都唔拆就真系离晒谱！粒带子亦都唔方大粒得去边，咬两啖已经食完一粒。蕃茄汁同个意粉就尚可，普普通通平平凡凡
粟米忌廉汤
28 浏览
0 赞好
0 留言
餐汤系粟米忌廉汤，主菜加12蚊就有。不过味道就一般。咸到呢... 好明显味精都唔少下。最大问题系碗汤太过结身，似饮紧忌廉酱多过似系饮紧忌廉汤，整体质素麻麻。
柚子柠檬梳打
$1
21 浏览
0 赞好
0 留言
柚子柠檬梳打，梳打水好明显冇攞搅拌器打过，一饮落口乸到飞起，任何日本餐厅嘅柚子梳打个梳打水都冇佢咁乸。更大问题嘅系，啲柚子同埋蜜糖倒晒落底，但又唔比搅拌羹我捞匀佢，成杯嘢鬼有味咩...
仲有一个问题，喺底𠮶啲蜜糖同柚子都唔慌好得去边，柚子完全唔甜又无味。蜜糖系有少少甜味嘅，不过唔重啰。
意式鲜茄带子绘意大利粉
42 浏览
0 赞好
0 留言
Main Course 系意式蕃茄带子绘意大利粉，骤眼睇好似冇咩问题，但食落就知咩料!
第一件事，帆立贝当普通带子本身已经唔太恰当，最衰系连裙边同埋帆立贝个性器官都唔拆！ 用下脑都知帆立贝个性器官本身就已经唔系比人食，咁请问点解拆都唔拆就直接队落去煮比啲客食？
裙边唔拆我理解到，但连个性器官都唔拆就真系离晒谱！粒带子亦都唔方大粒得去边，咬两啖已经食完一粒。
蕃茄汁同个意粉就尚可，普普通通平平凡凡不值一提。
性价比勉强算合理，意粉70几蚊加12蚊就有餐汤, 另外晚市全线order主菜可以享用半价饮品一杯, 价钱理论上系几抵。不过食物仍然有好多改进空间..
另外间嘢唔使收加一，不过服务态度仍然算系合理，未至于话黑口黑面。
总结呢间嘢, 虽然唔算贵。但啲食物质素又可唔可以做得好少少呢? 虽然平嘢唔可以expect 太多，但唔等于可以求求其其就队上枱比人食㗎...
强烈唔推荐呢间嘢, 大把Cafe高质过佢。
张贴
