康蘭餅店

营业中

休息中

本打算周围行下，点知发现康兰饼店有新鲜出炉既蛋挞、椰挞同葡挞，我呢个蛋迷俾佢深深吸引住。最后，买左三个蛋挞、三个椰挞同一个葡挞。而蛋挞同椰挞都系细size，同我地平时食开既细好多，总共用左十六蚊。蛋挞：系我最钟意食既牛油皮，一口咬落去淡淡蛋香味，买完到食个阵已经隔左大约十五分钟，但佢仲keep住系热辣辣，个一刻真系好感动！个蛋真系全部都系纯蛋，唔似出面咁沟晒水，失去左蛋本身既味道。而且甜度适中，令甜味抢唔走蛋既味道。加上牛油皮好有咬口，唔会咬落去就碎到周围都去，阵阵淡香味，真系好好味呀！椰挞：椰挞上面冇一粒既车厘子，有啲失望。带有椰丝，味道略甜，同时馅料同椰丝味道唔能够中和，令椰挞过甜。但馅料好软熟，又香，配合牛油皮既质感，整体唔差，值得一试。葡挞：同平时食开既好唔同，蛋香依然，焦糖做得岩岩好，味道香甜。而酥皮一样整得比较实正，两者相辅相成，呢个都好好味，都要试试下！