順景茶餐廳 (已結業)

几年来成日经过，但无食过，上星期终于入去，帮衬下午茶餐。门面旧，里面都旧，可幸地板枱櫈食具同调味樽罐都干干净净。煎猪扒米连奶茶，15蚊。等咗一阵，先来奶茶，喝一口，虽无惊喜，但茶味奶味口感都OK；再等一阵，汤米到，猪扒刚煎起热辣辣还在冒泡，已切好，无伴菜，汤底无咩色同味精但居然够味。食完埋单走人。喺街行行吓发觉唔见嘢，沿来路揾，推门入番呢间铺，老板娘即刻问，知道我唔见嘢，即刻同坐喺位个客讲唔好意思，仲蹲下来帮手揾，揾咗一轮都揾唔到，就同我讲如果见到就同我留喺收银度。好好人。㖊日午市再嚟，叫焗芝士肉酱意粉，热柠水。港式整法其实无咩期望，不过呢度胜在即叫即焗，又冇话连「渌」意粉d水都上埋碟俾埋你。出乎意料o既居然系柠檬好新鲜。一切都好似好平凡。只系觉得食肆做到干净企理其实唔系简单。