宜家家居餐廳及咖啡室

营业中

休息中

疫情下的平安夜晚市都要暫停，只好來個平安夜午餐慶祝吧~ 首次來到Megabox的Ikea餐廳，先取餐車及托盤，沿路自行將心水食物放落餐車，推住滿載食物的餐車到收銀處付款，好有機場feel呢~ 龍蝦濃湯$13雖然無蝦肉湯料，但味道濃郁，完全對得住呢個價錢。 小食併盤$43有薯格、雞翼、香腸及粟米粒，另有茄汁及芥末醬自行添加，味道唔算有驚喜，但見每台都有點一碟。 酥炸咸豬手併酸菜$66剛好岩岩出爐，份量仲好有睇頭，個皮脆卜卜，咬落啖啖肉，可以用外脆內軟來形容，伴碟的酸菜又可消滯，極度推薦。 香烤三文魚併薯蓉$49三文魚烤得剛好，不會過熟令魚肉質變得鞋，伴碟有不少薯蓉及紅蘿蔔。 有機洛神花茶$15冰凍洛神花茶，酸酸甜甜，幫助消滯。