影片
更多
2010-12-25
70 浏览
平安夜, 痴线夜. 四围都系人, 无订位食饭, 想揾间比较好既食店, 比想像中难九龙湾牛角于十一月尾新开张, 之前唔系香港食过, 觉得佢都几抵食, 所以难得平安夜都想去食下.下午五点多到达德福二期, 已经成个商场系人, 点知一去到牛角门口, 已经O 晒咀. 人龙已经出现左一个蛇饼. 见佢5-6点系清洁时间, 估都应该可以排下, 于是就系度排等佢6点钟开门. 因为四处都系人, 忽然要揾第二间食店, 相信都好困难. 等到6点半才排到门口, 结果原来都入唔到, 攞飞仔再等过, 入左去既第一Round人, 至少都一个小时先食完, 所以唯有攞左飞就系商场逛逛等时间结果到左八点多先入到去坐底. 牛角入面既格局同之前和民差唔多, 都系好暗. 唔知系咪真系太忙既关系, 无乜人招呼, 连茶都无杯. 更遑论有人理了.因为无人得闲理, 于是乎用之前系门口攞个张传单画圆圈, 递俾个侍应落单再叫佢倒茶. 结果叫左: 王样豆腐, 牛角沙律, 牛油带子, 上级牛肋肉, 特上和牛牛肋肉, 腹胸肉, 猪颈肉, 温泉蛋, 王样腹胸肉, 月见牛肋肉, 香草芝士鸡肉同铜锣烧. <-- 基本上除左牛舌同内脏无叫之外
九龙湾牛角于十一月尾新开张, 之前唔系香港食过, 觉得佢都几抵食, 所以难得平安夜都想去食下.
下午五点多到达德福二期, 已经成个商场系人, 点知一去到牛角门口, 已经O 晒咀. 人龙已经出现左一个蛇饼. 见佢5-6点系清洁时间, 估都应该可以排下, 于是就系度排等佢6点钟开门. 因为四处都系人, 忽然要揾第二间食店, 相信都好困难. 等到6点半才排到门口, 结果原来都入唔到, 攞飞仔再等过, 入左去既第一Round人, 至少都一个小时先食完, 所以唯有攞左飞就系商场逛逛等时间
结果到左八点多先入到去坐底. 牛角入面既格局同之前和民差唔多, 都系好暗. 唔知系咪真系太忙既关系, 无乜人招呼, 连茶都无杯. 更遑论有人理了.
因为无人得闲理, 于是乎用之前系门口攞个张传单画圆圈, 递俾个侍应落单再叫佢倒茶.
结果叫左:
王样豆腐, 牛角沙律, 牛油带子, 上级牛肋肉, 特上和牛牛肋肉, 腹胸肉, 猪颈肉, 温泉蛋, 王样腹胸肉, 月见牛肋肉, 香草芝士鸡肉同铜锣烧. <-- 基本上除左牛舌同内脏无叫之外, 大部份肉类都叫晒.
王样豆腐: 豆腐"鞋鞋" 地, 百福豆腐都仲滑过佢, 不过值得一赞, 个调味料微辣, 而豆腐入面有个糖芯蛋黄, 搭配都几特别
牛角沙律: 烚蛋, 蕃茄,著蓉丝,青瓜架生菜, 无乜特别, 好干身, 份量又少, 可以唔叫.
塩味牛油带子:侍应拎左个冻既铁板黎放底, 乜都无讲就走左去, 根本唔知佢系要我地自己整. 之后, 我地未整, 居然有另一个侍应走埋黎问我地仲要唔要个铁板, 个铁板咁干净同D 生带子仲系度, 睇都知我地仲要啦, 好奇怪,D 服务麻麻地.
上级牛肋肉, 腹胸肉, 王样腹胸肉, 肉质鱼嫩, 有唔同酱汁拣, 好味道
特上和牛牛肋肉, 全个menu 最值钱个个, 不过真系物超所值, 好嫩滑, 入口同其他个几种有好明显分别
猪颈肉:味道都唔差, 不过每条都好"瘦", 烧落有D 好穷既咁觉
香草芝士鸡肉: 感觉好似唔伴芝士酱好味D
甜品云呢拿/抺茶铜锣烧: 估佢唔好咁好味, 经过烧, 外皮脆脆, 内里仍然是凉口既冰淇淋同红豆, 好特别, 好味道
张贴
