富臨漁港 (已結業)

屋企人黎开APM行街顺便约我收工一齐食埋晚饭，咁急一下子谂唔起附近中菜有咩好选择。落车行经观塘广场见富临渔港做紧几个小菜推广优惠，于是就提议去试下！　经理推介我地热卖既蚝皇八头鲍鱼扣金钱，见邻台食客既实物都唔错，咁我地4人各点一份过下鲍鱼口瘾。沾上浓稠蚝油汁炆煮好既鲍鱼，色泽金黄滑身，肉质不单止爽口弹牙，兼配大大只厚肉花菇，将鲍汁彻底吸收晒超入味！食完鲍鱼就点左个热腾腾既铁板双葱爆手切鲜牛肉，上台时荡手冒烟既铁板仲发出几下吱吱声。京葱、洋葱落镬爆香左后经已迅即唤醒你既味蕾，再加上热力把牛肉内在既油香释放出黎，肉质入口嫩滑，味浓而不干涸。最后自私D想食下香辣风味既青菜，于是叫左一碟泰皇虾球炒通菜。虾肉上碟size大小匀一，咬落爽口唔会霉。通菜本身就用上香料辣椒炒香，虽然不及泰式餐厅果种辣既，但胜在微辣之余又几开胃，连平日唔太接受得辣既屋企人都话好味食清光。