旺記冰室 (鴻輝大廈B座)

营业中

休息中

今日有事过黎旺角呢头，咁岩经过家乐坊龙丰，就系对面条女人街街口，有间叫 旺记冰室 既餐厅，港式得黎又一d都唔老土。餐厅设计仲好可爱，画满猫猫壁画。入到去店员都好友善，见到餐牌，价格亦都好亲民。我由于见到滑蛋饭好吸引，又想食西多，但我胃就得一个，都果断点左两个餐，但我就叫左少饭。❤️自家制叉烧日本滑蛋饭 配旺记秘制甜豉油 $60首先，卖相已经好吸引，同埋呢度真系用日本蛋，我本身对茶记都已经食到厌晒，但呢度d餐真系好特别，系特别好食。叉烧一d都唔老，好嫰，滑蛋好滑，配埋个秘制豉油，简直一流，我居然可以食晒成碟饭。🖤邪恶朱古力练奶一口西多士 $46真系好邪恶，西多士外脆，内有花生酱！？外面仲淋满练奶同朱古力酱，哗～简直超级邪恶，好好味～💛跟餐送饮品 冻忌廉咖啡我好怕饮茶记既咖啡，但呢度既冻咖啡又意外地好饮wor。系咪因为用忌廉冲既关系，味道好夹，有奶味得黎又唔漏，甜得黎又有少少微酸，总之好易入口。Good!⚠️食完先发现原来滑蛋饭有得叫叉烧+虾仁双拼嘎，早知我叫双拼一次过满足两个口味啦。下次黎一定要叫双拼。