影片
更多
2022-08-20
896 浏览
平日中午大约1点黎到，都要等30几张飞😂不过好彩好多人拎咗飞就走咗，一路跳飞，好快就到我张飞喇～前后应该只系等咗15分钟一打开menu就想揾下海苔明太子天妇罗，因为最想试呢样。点知侍应话lunch hour只得lunch menu, 而lunch menu系冇海苔明太子天妇罗、蕃薯天妇罗配雪糕、水云醋、冲绳苦瓜、牛肉天妇罗等等嘅食物😓而呢啲食物正正就系最近大部分网媒介绍呢间餐厅时必推嘅餐点😅😅（睇网媒介绍，lunch hour都几长，由12:00去到17:00）不过唔紧要，佢仲有好多天妇罗定食，全部大大份，食到劲饱架今次冇影低menu，所以唔记得order咗嘅定食叫咩名我叫咗个定食，大约$148左右，包埋汤同小菜，个餐有天妇罗虎虾、海鳗、竹䇲鱼(?)、法国长边豆、舞茸、南瓜、茄子，另外我再加$18要只炸日本蛋～虎虾同海鳗都啖啖肉，口感丰富，但海鳗就冇乜味竹䇲鱼好滑，淡淡鱼香味长边豆食落有草青味…舞茸好食，一大簇咁炸，口感好有层次南瓜正常发挥，茄子好大块又好嫩天妇罗丼饭本身冇调味嘅，所以定食餐盘入面会跟一碗天妇罗汁另外男友叫咗另一款定食，佢有嘅天妇罗同我大致一样，不过佢个定食系有饭又有荞
一打开menu就想揾下海苔明太子天妇罗，因为最想试呢样。点知侍应话lunch hour只得lunch menu, 而lunch menu系冇海苔明太子天妇罗、蕃薯天妇罗配雪糕、水云醋、冲绳苦瓜、牛肉天妇罗等等嘅食物😓而呢啲食物正正就系最近大部分网媒介绍呢间餐厅时必推嘅餐点😅😅
（睇网媒介绍，lunch hour都几长，由12:00去到17:00）
不过唔紧要，佢仲有好多天妇罗定食，全部大大份，食到劲饱架
今次冇影低menu，所以唔记得order咗嘅定食叫咩名
我叫咗个定食，大约$148左右，包埋汤同小菜，个餐有天妇罗虎虾、海鳗、竹䇲鱼(?)、法国长边豆、舞茸、南瓜、茄子，另外我再加$18要只炸日本蛋～
虎虾同海鳗都啖啖肉，口感丰富，但海鳗就冇乜味
竹䇲鱼好滑，淡淡鱼香味
长边豆食落有草青味…
舞茸好食，一大簇咁炸，口感好有层次
南瓜正常发挥，茄子好大块又好嫩
天妇罗丼饭本身冇调味嘅，所以定食餐盘入面会跟一碗天妇罗汁
另外男友叫咗另一款定食，佢有嘅天妇罗同我大致一样，不过佢个定食系有饭又有荞麦面～佢呢款天妇罗丼饭本身就有酱汁，所以唔似我个定食咁另外有一碗天妇罗汁点
我觉得食物系好食嘅，又劲大份，但有个缺点……碗天妇罗丼饭唔够热……😐
我唔系要求佢热辣辣出哂烟，但佢直头似微暖/室温咁……？明明咁多客，啲餐出得咁密……但都唔够热……？
暂时喺香港食过三间日本过江龙天妇罗专卖店，呢间嘅食物系最唔热😂
但唔可以否认佢啲食材都算新鲜同大份，又唔算太差嘅
日本鸡蛋
$18
18 浏览
0 赞好
0 留言
张贴
