Le Paradis Cafe & Restaurant

营业中

休息中

呢间西餐我预约咗好多次，但系都唔成功，唯有平日去食先成功。预约嘅时候其实已经可以话俾店员听你想食边一个course，因为佢有时会有啲主菜系冇咗，或者转左嘅，预先知道埋就更加好啦。烟三文鱼蟹肉牛油果沙律烟三文鱼都有成六块咁多，牛油果亦都好香，熟得啱啱好。我最欣赏嘅系佢沙律嘅汁，唔系普通嘅黑醋汁而系有少少甜少少酸，又有少少咸味，比起出面净系用黑醋就更加好食。纽西兰托托蚬配香草牛油白酒佢嘅蚬超新鲜，虽然胜出佢系新鲜蚬定系冰鲜蚬，但系有鲜味就得啦！而且佢嘅牛油白酒汁，我当汤来饮，非常之鲜味。🤣🤣🤣黑松露蘑菇汤佢嘅黑松露味好香，而且睇得出佢好揼本咁样落劲多黑松露，令到成个口都充满着黑松露味㗎 ！西班牙黑毛猪配蜜糖芥末汁唔知大家有冇食过黑毛猪？佢嘅猪有种香味，据说系因为黑毛猪本身系食橡果而养成嘅。而且肉质非常之冧，真系不枉此行。最后甜品就嗌咗个云尼拿布甸，就满足地回家去。