影片
更多
2022-12-11
93 浏览
天气好好，加上终于忙完手头上既野，疫情又缓和左，决定外出叹返个靓lunch，hea下回下气抖抖。好耐无去过大围，今日经过，原来油站对面成条街都系食店🤩🤩🤩花多眼乱，有选择困难症既揾食，交左呢个难题比同行既友人，拣左一间叫风车既餐厅。入到里面坐低，成个感觉好有情调，楼底好高，无压迫感。因为我地去到既时间比较早，好开心可以拣到最入既位置，既望到水晶灯，又可以自成一角，劲钟意呢个平日既悠闲节奏。午餐餐牌都算多款式，除左有意粉/排餐之外，仲有一版系汉堡/三文治，如果想食light少少，就唔洗咁闷，因为佢都算几多唔同配搭同选择。前菜可以选择烟三文鱼田园沙律或者烧牛肉沙律，因为唔想食生冷野，所以决定加$15要龙虾汤。个龙虾汤都好鲜味浓郁，唔错👍🏻同行友人拣左个叫流心蓝芝士牛肉汉堡，佢既汉堡同平常薄身既汉堡排唔同，因为入边有热溶既blue cheese，所以佢会比较厚身同球状啲，而佢价钱都算相宜，外边闲闲地食个汉堡都要过百，呢度卖$79又牛肉汉堡又blue cheese，再加上炸到热辣辣既薯条😋😋😋，抵食呀👍🏻跟住到我既风车早餐$92，佢有黑松露炒蛋，纽伦堡肠，烟三文鱼，田园沙律。早餐卖相虽然一般，
好耐无去过大围，今日经过，原来油站对面成条街都系食店🤩🤩🤩花多眼乱，有选择困难症既揾食，交左呢个难题比同行既友人，拣左一间叫风车既餐厅。
入到里面坐低，成个感觉好有情调，楼底好高，无压迫感。因为我地去到既时间比较早，好开心可以拣到最入既位置，既望到水晶灯，又可以自成一角，劲钟意呢个平日既悠闲节奏。
午餐餐牌都算多款式，除左有意粉/排餐之外，仲有一版系汉堡/三文治，如果想食light少少，就唔洗咁闷，因为佢都算几多唔同配搭同选择。
前菜可以选择烟三文鱼田园沙律或者烧牛肉沙律，因为唔想食生冷野，所以决定加$15要龙虾汤。个龙虾汤都好鲜味浓郁，唔错👍🏻
同行友人拣左个叫流心蓝芝士牛肉汉堡，佢既汉堡同平常薄身既汉堡排唔同，因为入边有热溶既blue cheese，所以佢会比较厚身同球状啲，而佢价钱都算相宜，外边闲闲地食个汉堡都要过百，呢度卖$79又牛肉汉堡又blue cheese，再加上炸到热辣辣既薯条😋😋😋，抵食呀👍🏻
跟住到我既风车早餐$92，佢有黑松露炒蛋，纽伦堡肠，烟三文鱼，田园沙律。早餐卖相虽然一般，但黑松露炒蛋令人印象深刻，食完之后仲有浓浓黑松露香味既余韵。另外加左$12既玫瑰咖啡非常有惊喜😍😍难得忙里偷闲，饮埋呢杯咖啡成件事就满足晒～
张贴
