影片
更多
2020-10-17
62 浏览
今日同朋友去咗同乐街嘅名川去食个下午茶，🙆🏻♀️🙆🏻♀️平时嗌外卖就嗌得多，坐系舖头食都系第一次。我一般都系叫辣蕃茄汤乌冬🍜，今次一于试下新嘢先！！🤔我就叫咗好出名嘅冬菇花胶菜饭，而朋友就叫日式豚肉汤乌冬（因为朋友唔食得辣净系简咗猪骨汤底）。首先，冬菇花胶菜饭果然系有佢出名嘅理由，啲花胶同冬菇都好入味之余又唔会好咸，个汁系姜葱蚝油用嚟送饭真系一流，而冬菇食得出系用咗鲍鱼汁去炆，咬落去好juice同够淋身，另外花胶系我中意嘅口感，系偏爽口亦都唔会有腥味，50几蚊呢个价位好值啊！然后，朋友个下午茶日式豚肉汤乌冬好抵30几蚊就有个餐包嘢饮，我就们食咗佢个日式豚肉，呢个价位竟然都有惊喜，煮豚肉个汁系偏甜啲洋葱入晒味，最重要系啲猪肉片系唔鞋口咖！乌冬我就建议大家加8蚊转手打乌冬，因为我自己就比较中意手打个只口感。食到一半朋友就想试埋个蜜饯鸡翼，嚟到一碟有4只靓靓仔仔，炸鸡翼做底再加上蜜饯做汁，甜甜咸咸咁好惹味，鸡翼唔会炸到好干身，肉质嫩滑多汁。仲要一赞就系，同朋友吹水吹耐咗啲鸡翼冻晒都好脆口，味道都无变，同埋呢个小食都好岩细蚊仔食！名川绝对系一定会无限回头嘅餐厅～PS：个鸡翼有3只味啊，食得辣朋
我一般都系叫辣蕃茄汤乌冬🍜，今次一于试下新嘢先！！🤔
我就叫咗好出名嘅冬菇花胶菜饭，而朋友就叫日式豚肉汤乌冬（因为朋友唔食得辣净系简咗猪骨汤底）。首先，冬菇花胶菜饭果然系有佢出名嘅理由，啲花胶同冬菇都好入味之余又唔会好咸，个汁系姜葱蚝油用嚟送饭真系一流，而冬菇食得出系用咗鲍鱼汁去炆，咬落去好juice同够淋身，另外花胶系我中意嘅口感，系偏爽口亦都唔会有腥味，50几蚊呢个价位好值啊！然后，朋友个下午茶日式豚肉汤乌冬好抵30几蚊就有个餐包嘢饮，我就们食咗佢个日式豚肉，呢个价位竟然都有惊喜，煮豚肉个汁系偏甜啲洋葱入晒味，最重要系啲猪肉片系唔鞋口咖！乌冬我就建议大家加8蚊转手打乌冬，因为我自己就比较中意手打个只口感。食到一半朋友就想试埋个蜜饯鸡翼，嚟到一碟有4只靓靓仔仔，炸鸡翼做底再加上蜜饯做汁，甜甜咸咸咁好惹味，鸡翼唔会炸到好干身，肉质嫩滑多汁。仲要一赞就系，同朋友吹水吹耐咗啲鸡翼冻晒都好脆口，味道都无变，同埋呢个小食都好岩细蚊仔食！名川绝对系一定会无限回头嘅餐厅～
PS：个鸡翼有3只味啊，食得辣朋友可以试佢地嘅辣椒，第一次食名川一定要试咗冬菇花胶菜饭先。
张贴
