肉肉強食 by 鋒膳 (已結業)

宜家都好少传统式餐厅专门锯扒，今日经开长沙湾地铁站见到有间楼上舖，同屋企人齐齐去开餐。 张台布都系用格仔，好有传统式嘅感觉。 吉列猪柳系采用日本宫崎快乐猪，每日限量50份，而且只系$20咋，猪柳好大块，金黄色猪扒炸到又香又松脆，非常吸引！ 芝士汉堡个包好热好香脆，牛肉好厚好juicy。 美式什扒好丰富，有猪、牛、鸡，又有肠仔、烟肉。跟餐有罗宋汤／忌廉汤，牛油餐包、餐茶同埋雪糕甜品。 西冷牛扒好大块，并采用纽西兰Affco牛肉，呢度啲肉全部都唔会用松肉粉同食粉腌制，啲肉仍然保留原汁原味，以88蚊价钱嚟讲，质素相当唔错 性价比高，非常抵食。