垚

营业中

休息中

半山區日式小店，算係親民價錢嘅午飯精選，而且份量唔算太細，足夠一個人食得飽，而且食物質素唔錯，喺半山區食到貼地價錢嘅日式食物，真心推介。裏面有少量嘅堂食位置，而且提供叉電位，我去到嘅時候冇乜人堂食，所以都算坐得舒服，一邊為手機叉電，一邊食飯。芝士雞肉漢堡飯 $56會有兩塊芝士雞肉漢堡，煎出嚟隻色幾靚，漢堡厚度同大細中規中矩，而且香氣濃郁，吸引人食。漢堡唔會煎得太乾，咬落仲有啲肉汁滲出嚟，配塔芝士香，幾好食。配有少量蔬菜，淋上日式燒汁，灑上少量芝麻。個人希望醬汁可以再多少少。