淥鼎記

营业中

休息中

好耐无饮茶啦观塘这间餐厅的点心都好有特色！价钱唔太贵~刚好二人份量有时候跟朋友两个人都可以叫多少少~~可试到唔同款式🍽 纸醉金迷鲜虾饺皇一笼两件岩晒2个人食，可以试多啲唔同既点心。虾饺上有食用金箔，令卖相更加吸引。除此之外，内馅都好充足，大大旧爽口虾肉，非常满足。🍽 芝士虾长春卷春卷炸得非常脆口，加上入面有虾肉，做到外脆内软既口感。虽然可以点沙律酱食，但就咁食都已经好好味。🍽 酥皮凤梨叉烧包热辣辣非常软熟，叉烧馅唔会好咸，配上面头既酥皮唔会好甜，味道刚刚好。🍽 古法黑蔗糖年糕外皮煎得够脆，食落有蔗糖味，但又唔会好甜。🍽 松露叉烧肠粉本身特别钟意松露既香味，但松露肠粉真系第一次试。虽然上菜时跟有豉油，但就算唔点豉油都够味，重点系唔想抢咗松露既味。肠粉充满松露味，叉烧又唔会好咸，味道不错。🍽 赤龙芝心松露卷真系估唔到食点心既餐厅会有寿司食，就点黎试下啦。虾寿司卷上有松露酱同洋葱丝，而入面卷有芝士，口感同味道非常丰富，有松露香味加上芝士味，原本已切成一口大小，令人食完一件又一件。🍽 黑鱼子烧卖虽然一笼得两件，但份量都好大件。满满既虾肉，咬落仲有油香味渗出黎，但又唔会好油腻。