一休(居食屋)日本料理 (長發廣場) (已結業)

依日因为去咗青衣𠮶边打波，有朋友就带咗我嚟依间日本野食晚饭😗😗佢嘅门口好易揾！见到佢晚市都系50几蚊起，好难想像佢餐牌入边有冇其他更加贵嘅嘢食。叫咗个荔枝梳打🥰总共叫咗两个鱼生饭，一个系特盛海鲜鱼生饭，一个系三文鱼海胆鱼生饭。佢上菜都上得几快，落咗order 10分钟就已经有得食！鱼生饭偏酸，系我钟意食嘅味道(⁎⁍̴̛ᴗ⁍̴̛⁎)而且鱼生都好新鲜，海胆亦都唔苦，整体上来讲60几蚊呢个价钱绝对系超值！串烧𠮶度叫咗两串，一串系厚切牛舌，另外一串系鸡肉，因为都系即叫即烧，所以就要等耐少少，不过都系值得等嘅！牛舌爽口而且够厚身，唔会烧过龙搞到好鞋。另外叫咗个清酒煮蚬，蚬肉新鲜之余亦都冇沙，同埋个汤底亦都好够酒味，粒粒都系肉，冇死蚬！最后买单两个人食咗$300，食日本野来讲，仲要叫咗咁多嘢食，$300都真系好抵。