金泰泰式美食

营业中

休息中

今日第一次去大埔墟熟食中心食晚饭，老拣咗食泰国菜，简简单单叫咗三𩠌一汤。起菜速度正常，虾饼第一样到。味道正常，份量就比一般泰舖多。之后就嚟烧猪颈肉，腌得唔够味，烧得亦唔够香，个猪颈肉汁唔好味，我嘅形容系唔够辣唔够甜唔够酸，总之样样都好似争少少。呢碟嘢唯一嘅卖点，系分量十足，真系好大碟。泰式湿炒河，味道正正常常，啲牛肉都几好食，全餐最满意呢样嘢！最后系个冬阴功（细），味道正常亦好足料，两个人饮啱啱好。熟食市场闲日都算坐得舒服，价钱亦相当实惠，可以一试。