味道樂居酒屋 (元州街) (已結業)

今日同朋友系长沙湾睇完戏，在附近揾食，行过一间食日本嘢的餐厅，朋友话好想食，咁就入去一试。餐厅唔算大间，但座位尚算舒适。我哋坐落服务员话睇完餐牌可以用QR Code直接落单就得，我哋 order 咗酱烧鳗鱼反卷，鳗鱼有口感，用酱烧汁包住好好味，芝士吉列海虎虾卷，海虾炸得松脆，这二样都得好出色有惊喜。三文鱼寿司鱼就好新鲜，但寿司饭我就觉得少咗D醋。铁板金茹牛肉卷，牛肉好juicy又有牛味，包住金菇煎，非常香口。盐烧厚切牛舌，牛舌有口感，咬落牛味香浓唔太酥真系唔错。最后食埋石锅鳗鱼炒饭，厨师用鸡蛋炒咗饭再加鳗鱼及紫菜放上面，提升炒饭的口感，真系食唔停口。食饱结账五百多元，朋友话都几抵食，可以下次再来试其他食物！