琦興餐廳

营业中

休息中

系时候要写喺屋企楼下间琦兴茶餐厅啦，作为深水埗平民价茶餐厅，选择非常之多，有小菜有蒸鱼🐟，冬天有煲仔饭🥘，有羊腩煲🐐，每日有精选午餐，有7样野比人选择，仲有车仔面，服务态度非常好，始终做街坊生意，态度好同价钱平民化系必须😁，至于装修方面就正常啦，环境卫生亦唔会太差，我会比3-4粒星，茶餐厅真系要求唔到咁多，但lunch时间因为附近多地盘又多住宅，所以lunch好多人，而我平常唔系食车仔面就系食佢精选午餐嘅蒸水蛋（唔系日日有），佢个蒸水蛋蒸得好滑，好易入口，而冇蒸水蛋嘅日子，我通常都会食常餐，常餐嘅配搭，你可以同服务员讲想要啲乜，佢哋通常到可以安排到俾你👍🏻，每日买单都系45蚊，所以lunch谂唔到食乜，可以嚟呢间试下，比较多选择😉