九湯屋 (已結業)

想喺太古城入面食啲平平哋嘅嘢，选择并唔系咁多，今日去到诚品附近行嘅时候，发现咗有呢一间嘅拉面店，一睇之下价钱唔贵。而且都有唔少人食，相信质素都可以， 于是即管试下， 睇下味道如何。同朋友各自一人叫咗一客拉面，我叫咗嘅系 东京地狱拉面，用上酱油猪骨汤底，加上特制嘅辣酱混合而成。食起嚟都几香辣酱味，不过汤底就唔太重豚骨味，反而比较多酱油味 ，可惜嘅系紫菜浸咗落汤底好冧，而且叉烧比较干身 ，入口质感一般但系糖心蛋就有惊喜，入口软滑， 蛋既嫩度刚刚好，而且好多蛋汁。至于朋友叫嘅九州白汤拉面，白汤普通，略似味精汤， 但如果以呢一个价钱而言，四五十蚊一碗拉面，平平哋填饱个胃，都系一个可以嘅选择。