燒肉酒場 (已結業)

烧肉酒场系铜锣湾一间价钱比较贴地嘅日式烤肉店，质素唔差之余，人均三百蚊倒已经可以食到饱。盐酱椰菜($20) - 一坐低，侍应会先送黎一碟椰菜，虽然要收费，不过价钱都合理，椰菜份量都多，每一啖都食倒盐酱嘅咸香味。烧肉酒场嘅肉款都多，猪牛羊鸡海鲜蔬菜都多，佢地个炉旁边仲放左啲洋葱同红萝卜。汁酱方面我特钟意蘸左边嘅烧肉汁，甜甜地几惹味。桂花乌龙水果茶($48)  - 唔想饮酒所以点左哩杯水果茶，佢冇平时嘅水果茶咁甜，仲多左阵桂花香味，都几特别。美国牛板腱($78) - 牛板腱有三大块，每块有手掌咁大，牛板腱比较薄切，食落几滑带少少咬口，蘸埋烧肉汁食好好食。西京猪颈肉($78) - 猪颈肉切得厚薄适中，唔会太肥，食落带少少爽口感。纽西兰羊柳($98) - 羊柳好嫩滑，完全唔膻，侍应话食时可以加少少wasabi，不过我就觉得都系孜然粉同羊肉夹啲。羊汤茶渍饭($58) - 茶渍饭用羊汤代替清茶，而且仲有两件肉喺入面，多左啲肉香味，食完成个人都暖左。总结，烤肉款式都多，而且质素唔差得过高级烤肉店，口瘾想止下条烧烤瘾都唔会肉痛。