板上 (D2 Place) (已結業)

百物腾贵，好多餐厅食个Dinner都要过百蚊。今次到D2 Place去睇展览前去左Griddle Top医医肚先。点解拣呢间？粮尾lor餐厅主要提供日式饭餐、汉堡饱、薄饼、小食及饮品提供。当餐点准备好，职员会叫你收据上的号码出Counter取餐。环境暗暗地，都几啱约几个朋友仔出黎食D野啤啤佢。铁板一口牛•珍珠饭除左主食外，个餐会一螺肉及粟米作前菜。饭系比较湿同软身，但一口牛意外地香！牛汁甚至渗落饭到，令到成件事成为一个整体。姜汁烧豚五花•珍珠饭五花肉份量好好，而且食得出有姜汁味，不过烧得唔够香。炸鱿鱼圈，炸粉唔会太厚，不过油感都几重。酱烧鱿鱼须烧得几香，不过唔够肥美，肉唔够厚。饮品方面，唔加钱可选汽水、热饮。2个人埋单$157，唔想食茶餐厅可考虑食呢个。粮尾会再去，下次想试汉堡饱。