標記樂園潮州粉麵餐廳

营业中

休息中

深水埗一向出名平民美食多，今日放工之后又特登去到深水埗揾食。行出地铁站冇耐就见到呢间食潮州粉面嘅餐厅，睇到啲牛杂就觉得好耐无食牛肚面～一见到价钱超级大众化，当然要来一试街坊都爱既平民美食～叫咗个五香牛肚捞面，可以加油菜同埋加牛丸，牛丸最印象深刻，食落好弹牙同爽口！感觉到用料好新鲜五香牛肚都非常之有咬口，比一般既牛杂店入味，难怪见到好多街坊都帮衬～捞面有配一个汤同埋秘制酱，汤底清甜，唔错，秘制酱主要系由洋葱制成，意外地好味呢～朋友点左秘制牛三宝捞面，朋友食过都觉得个酱好唔错！话会因为个酱而再返黎食，哈哈。油菜新鲜～加上蚝油就是简单的美味！另外呢到虽然系传统茶餐厅，但系环境都算几干净，唔会话好污糟好多油渍咁样，坐得都舒服。