孖寶車仔麵

营业中

休息中

第一次食孖宝车仔面，拣咗套餐：三样𩠌 + 一款面 + 一杯热饮，$48，好抵食。𩠌都好多款式，可以配搭自己喜欢嘅酱汁。鱼肉条 猪肠 米线 秘制汁 咖哩鱿鱼另上鱼肉条偏粉，但份量好多；猪肠无乜特别味道，口感够淋；米线正常，唔会好碎身。秘制汁系偏甜，完全唔辣，少少香口，但又唔似咖哩或香辣嘅酱汁。咖哩鱿鱼咖哩鱿鱼另外用小碟上，咖哩酱汁味唔浓，偏甜味，唔够香辣，鱿鱼爽口，似冷盘嘅温度，有少少失望。猪颈肉 萝卜 猪皮 油面 秘制汁猪颈肉同油面正常水准，无特别。萝卜就好好食，好清完全无渣，而且好入味又食到萝卜嘅香甜～ 猪皮厚身，吸收晒啲酱汁，同萝卜一样好入味，值得一食。热柠蜜（无需加钱）每杯有两片柠檬，蜜糖味偏淡。仲有其他饮品可以选择枱上有樽大嘅辣菜莆，好香口，可以加落面食，或者小食。