深水埗咖哩

营业中

休息中

喺香港想食到正宗印度咖哩，好多人都会谂起重庆大厦。但其实喺深水埗闹市中（西九龙中心／警署对面），亦有一间鲜为人知嘅印度咖哩屋。店员清一色都系印度裔背景，但广东话绝对系十分地道，而食客亦以香港人居多。烧烤鸡配薄荷酱烤鸡系印度菜中不可或缺嘅一环，好多时喺其他印度餐馆食到嘅烤鸡有机会会有比较干身同「鞋」口嘅情况出面。但深水埗咖哩嘅烤鸡肉汁都尚算丰富，而味道亦唔会太浓或太淡。唯一要挑剔嘅系薄荷酱实在比较淡，未能够带出烤鸡嘅香味。咖哩羊及咖哩牛 配薄饼作为一间咖哩屋，喺帮衬之前都对佢嘅咖哩唔多唔少有一定期望。不过爱好印度咖哩嘅朋友可能会失望而回。咖哩色水上虽然不错，但味道除咗非常淡同稀之余，亦无一般印度菜嘅浓厚香料味。可能厨师为咗配合香港人嘅口味而将味道调淡，却失去咗最原有嘅印度风味。牛羊味亦绝唔突出，只能讲系非常普通。薄饼而言亦只能够算系不过不失。整体而言，比起一般印度餐馆的确味道较淡，如果重口味嘅朋友可能要比较注意。味道 ⭐️⭐️服务 ⭐️⭐️⭐️环境 ⭐️⭐️⭐️性价比 ⭐️⭐️⭐️