富源潮州麵食城

营业中

休息中

呢间铺o既出现，搞到小西湾间间卖鱼蛋粉o既铺头都进行减价战...其实真系要多谢佢。12元大大碗，初出道时真系几大碗，但料同面唔掂。不过因为初经营，所以算数。后来从富欣一卖清汤腩o既老细同埋其它食客得知，原来富源个老细o系油尖旺果边做开10蚊云吞面，来到港岛呢度，料冇变，价就加o左两元，真系火都o黎。先讲料，牛什，有怪味，似下等货同唔太新鲜。牛腩，似食猪腩肉，唔入味又唔干净。水饺同云吞，个心成日唔熟。面同河粉：好重面粉味，有时仲痴埋一旧旧，根本就未整熟。河粉亦唔滑。汤，浓同冇特别，次次都要饮好多杯水至可以中和。如果唔系因为佢出现而令到全区鱼蛋粉减价。真系唔会再去。