薩莉亞意式餐廳 (中染新城) (已結業)

今日去咗愉景新城行街，行到咁上下有啲肚饿，所以去咗附近一个新开嘅商场揾嘢食。行到2楼见到有一间意大利餐厅好多人食，奇怪点解意大利餐应该都唔平，点解咁多人食呢？原来佢系一间平民化嘅意大利餐厅，价钱一啲都唔贵，而且非常非常之便宜，但质素亦唔差㖞！见到佢啲价钱咁抵，样样都想食，但系谂住只系食下午茶，所以只系叫咗三样嘢。芝士焗薯角 （$17-）除咗薯角，还有大大块的烟肉铺左上面，重放好多芝士去焗，非常惹味，的芝士仲系拉提添！黒椒蚬肉铁板煮 （$19-）蚬虽然系细只，但份量唔算少，放上黑椒之后就系铁板上煮，上枱时热辣辣，虽然好似好干身，但食落D蚬肉一啲都唔干㖞，不过好似有少少沙，唔知系沙定系黑椒呢！😅意大利咖啡冻饼 （$18-）个冻饼好有酒香味，但略嫌咖啡味不够，但都几好食，又唔太甜，可惜有少少溶，可能太早上枱嘅缘故。我哋三个人只食咗$54- 咋！整体而言，咁平嘅价钱，又有咁嘅质素，还夫复何求呢！