鴨子園 (已結業)

今天入天水围探朋友，晚饭时去了朋友介绍T Town呢间鸭子园，试吓特色上海菜。店子颇大，装修唔错，我地一行5人被安排坐半卡位，感觉几干净企理。一打开个餐牌，首先觉得野食唔贵，一般小菜都是60几至70几（海鲜除外）。鸡丝粉皮麻酱够香，估唔到青瓜份量也好足够，伴埋粉皮一齐食，青瓜调和咗整碟味道，非常好吃，一点也不腻口，好快已被我地KO整碟。食上海野点会无我最钟意既担担面及锅贴。担担面面条够爽，麻酱味啱啱好，肉碎不多肥猪膏，由于个面一上枱就太香，又是瞬间被我地每人一小啖KO唒。锅贴我地叫咗两客，唔使争食。皮煎得香脆，肉馅不似街外𠮶啲xx大王咁，肥肉多过瘦肉，肉汁丰富，食完后本想再叫多一碟，但担心食唔哂其他野，所以hold住。主菜我地叫咗 山楂凤梨咕噜鸡、芥末牛柳粒、花雕浸醉乳鸽、清炒西兰花，再加多个我朋友极力推介的鸭子园炒饭。由于啲𩠌上得好快，加上我又好鬼肚饿，搞到我挂鬼住食唔记得影碟芥末牛柳粒。差啲连只醉鸽都唔记得影，好彩食到半路补影返，可以推介俾朋友😁花雕浸醉乳鸽不好意思，挂住食，食咗半只先记得影😁乳鸽肉嫩滑，酒味香，鸽肉入哂味，香及正👍🏻山楂凤梨咕噜鸡整体味道酸甜酸甜，好醒胃，送饭一流