影片
更多
2010-04-15
238 浏览
食咗佢个二人套餐，我觉得系平靓正再加大件夹抵食1) 自制农夫面包配牛肝酱及芝士香草酱：面包脆硬似法式包，芝士香草酱ok，牛肝酱仲好味，有少少似咸牛肉三文治𠮶种咸牛肉味，仲有食得出肝既味，都几特别，至少唔系搽牛油，而呢两种酱都ok，如果你要求高，我谂至少你都会觉得唔难食啩2)希腊沙律配风干火腿片：火腿几好食，似啲自助餐啲火腿片咁啰,咸咸哋，啲沙律都系咸咸哋，ok啦，我觉得沙律都系生既疏菜，度度差唔多3)兰度豆汤：哦豆煲好溶哂，溶到啲豆渣好似沙咁，真系沙过红豆沙4)脆皮烧猪肘配烧薯及酸椰菜：烧薯普通啦；酸椰菜丝够爽口，酸酸哋吊吓味；脆皮烧猪好大件，皮够脆，唔识点讲，总之佢种脆唔同烧乳猪或者烧肉皮𠮶种脆，肉就啱啱好熟，所以唔会干，又够啉，少少咸，够惹味，仲好大份添。另外佢嚟到会SHOW一SHOW只猪肘畀你睇，然后问使唔使切埋，咁我就哽系叫佢切埋啦5)烩薄牛肉配青椒粒汁：唔知点解嚟𠮶阵变咗做薯饼配牛柳粒。初初谂住牛柳粒好多地方有得食，会普普通通啦，但系又有意外惊喜㖞。啲牛柳够啉，唔似系加咗粉𠮶种啉，应该系牛既质素同烹调技术，牛肉夹杂住牛脂肪，弹牙有口感；个薯饼哽系唔同一般架啦，刨丝再炸，几特别
1) 自制农夫面包配牛肝酱及芝士香草酱：面包脆硬似法式包，芝士香草酱ok，牛肝酱仲好味，有少少似咸牛肉三文治𠮶种咸牛肉味，仲有食得出肝既味，都几特别，至少唔系搽牛油，而呢两种酱都ok，如果你要求高，我谂至少你都会觉得唔难食啩
2)希腊沙律配风干火腿片：火腿几好食，似啲自助餐啲火腿片咁啰,咸咸哋，啲沙律都系咸咸哋，ok啦，我觉得沙律都系生既疏菜，度度差唔多
3)兰度豆汤：哦豆煲好溶哂，溶到啲豆渣好似沙咁，真系沙过红豆沙
4)脆皮烧猪肘配烧薯及酸椰菜：烧薯普通啦；酸椰菜丝够爽口，酸酸哋吊吓味；脆皮烧猪好大件，皮够脆，唔识点讲，总之佢种脆唔同烧乳猪或者烧肉皮𠮶种脆，肉就啱啱好熟，所以唔会干，又够啉，少少咸，够惹味，仲好大份添。另外佢嚟到会SHOW一SHOW只猪肘畀你睇，然后问使唔使切埋，咁我就哽系叫佢切埋啦
5)烩薄牛肉配青椒粒汁：唔知点解嚟𠮶阵变咗做薯饼配牛柳粒。初初谂住牛柳粒好多地方有得食，会普普通通啦，但系又有意外惊喜㖞。啲牛柳够啉，唔似系加咗粉𠮶种啉，应该系牛既质素同烹调技术，牛肉夹杂住牛脂肪，弹牙有口感；个薯饼哽系唔同一般架啦，刨丝再炸，几特别，味道方面唔记得咗‧‧‧总之都系好食啦
6)鲜虾阔条面配香草汁：鲜虾新鲜有虾味，啲阔条面逊色少少啦，好油，问佢攞芝士粉(其实系芝士刨成丝)加上啲面度会好食好多，会遮到啲油味
7)甜品拼盘：我见其他人留言啲相，我个甜品种类系同其他人有唔同，可能佢个拼盘会久不久转啩，总括嚟讲都好食。
A)朱古力饼：甜，口感麻麻哋，好似普通朱古力西饼咁啰
B)焦糖布丁：
C)绿茶红豆卷：榚系绿茶味，淡淡绿茶香；奶油系加咗红豆味，有红豆粒，个奶油唔会太cream
D)咖啡慕丝杯：淡淡咖啡味，唔会太浓，咖啡味对我嚟讲淡淡哋就OK
E)朱古力慕丝杯：好甜，对于钟意食朱古力既我就哽系正啦
总括嚟讲，HKD$400左右两个人，算平架喇，啲食物又靓又正，都系𠮶句啦，平靓正，其实二人餐多数系二头盆二主菜，但系佢只得一头盆但系三主菜，只猪肘仲要大大只，其实如果两个人，细食既真系未必食得哂，好彩我够大食，仲要食极唔肥呀
服务方面，我唔知𠮶日同少人有冇关系啦，佢哋好主动敫勤，亦都有介绍吓啲厨师推介啦，算系咁架喇，见我哋影相又主动问使唔使帮我哋影合照相
环境：有露台位睇海景，亦都有室内位，室内装修得同个美利楼𠮶种用木既装修古旧好夹，但系古旧得嚟又高级，唔会畀人好残既感觉，加啲德国既画照布置配合返间餐厅，又有一男一女驻场歌手唱歌，音乐又唔太大声，唔会嘈到人倾偈，佢哋都唱得好听架，唯一系个洗手盆，只有两个洗手盆，但系两个去水都塞塞哋，呢度扣少少分啦
张贴
