大利咖啡店

营业中

休息中

呢日食晏时间嚟到湾仔鹅颈熟食中心揾食。位于鹅颈街市一楼嘅熟食中心上面都有好几间食肆选择，今次就拣咗呢间《大利咖啡店》。拣左个是日精选入面嘅时菜支竹牛腩饭配冻柠茶，共$46。时菜支竹牛腩饭，饭同𩠌分开餐具载，饭够晒大碟，软硬适中。时菜支竹牛腩，份量都几多，牛腩、牛筋、支竹同菜心，大大一碗。牛腩同牛筋都够腍够入味，虽然菜心放喺碗底，但都保持到翠绿，冇话焗到黄晒。冻柠茶，茶味同柠檬味都够浓，味道唔错。总括嚟讲，呢餐食物份量都几大份，味道唔错，价钱喺湾仔及铜锣湾嚟讲算平，绝对系一个平靓正嘅好选择。