四眼仔腸粉

营业中

休息中

联和墟不嬲好多嘢食！成日有新餐厅喺附近！今日就嚟到呢间驰名嘅四眼仔肠粉！听我老公讲，平日中午时段劲多人排队！排到出街口！ 原因好简单因为呢度嘅肠粉好滑而且价钱超级平，好似去返我小学时嘅价钱，$7有四条肠粉🥳试问而家仲有冇其他地方揾到？ 大家揾到嘅可以话俾我知呀😙我食完四条之后发觉自己蠢咗，完全唔够喉！决定下次同老公买六条肠粉！ 另外呢度嘅鱼蛋系陈皮鱼蛋！$4有七粒真系平到不得了！烧卖都非常好食😋$4有四粒！我哋仲叫咗一粒牛肉球同埋一粒粉果试一试！ 👍🏼👍🏼👍🏼呢间店真系平靓正之选！唯一嘅缺点就系，你要排队啰！