利寶閣 (已結業)

任食大闸蟹就唔好预佢会好大只啦，而且佢系乸同公都有无得拣件性别嘅。但，那又如何？大闸蟹最紧要系膏多，就算俾够7-8両一只嘅你，但无膏嘅话一样系把鬼。所以任食大闸蟹嘅重点唔系佢几大只，而系佢多唔多膏、上菜速度快唔快同会唔会漏单。另外，由于斋食蟹未必够饱肚，所以餐厅除咗蟹之外，其他食物嘅质素都好重要。利宝阁性价比高系抵食嘅。佢个片皮鸭好好食，蟹多膏，糯米饭都得。我去当日唔系好多人所以排片皮鸭都快嘅，蟹未上时可以食住片皮鸭先慢慢等..... 葱油焗大闸蟹好特别，同清蒸分别好大，葱油香不但唔会抢咗大闸蟹嘅甜味，反而仲将佢个鲜味带到另一层次，个人好钟意。限时两个钟所以系生死时速咁同大闸蟹搏斗，唔建议同朋友去吹水食饭，因为两个钟系唔会有太多时间倾到偈，大家会好静好专心咁拆蟹食。全餐都无漏过单，上蟹速度快，但你要自己预吓时间提早啲加单，因蒸蟹需时。甜品有豆腐花同雪榚，但太饱同大赶所以无食到。