東哥點心籠仔蒸飯專門店 (已結業)

今日我突然之间好想食鸡煲，就嚟咗旺角嘅东哥点心鸡煲专门店。佢就系两个钟头放题任食嘅，成人就$188一位，我一嚟到，佢哋有五个汤底俾我哋选择，包括系鸡煲汤底，澳门猪骨煲，胡椒猪肚，醉鸡同埋芫荽皮蛋。咁我哋就拣咗半只鸡嘅鸡煲。佢个鸡煲，芫荽超级多，肉质都好鲜嫩，好入味，有好多唔同嘅配料，例如辣椒，洋葱等等。由于呢个鸡煲任食套餐，系包括埋点心任食嘅。所以我哋等紧鸡煲上嚟嘅时候，我哋已经预先叫咗一啲点心。我强烈推荐大家试吓呢间嘅灌汤饺，好大旧，好浓郁。咁我哋都叫咗啲烧卖，虾饺，同埋沙律春卷。呢啲全部就同出边冇乜分别，大家等嘢食嘅时候都可以叫㗎。食完鸡煲之后，店员就会帮我哋加清汤，所以我哋亦都一早叫定啲火锅配料，佢哋嘅火锅配料都包罗万有，用唔同嘅菜类啦，包括油麦菜，津白，唔同嘅菇类。好惊喜嘅系，佢哋仲有海鲜，有新鲜嘅扇背，广岛蚝等等。咁当然仲有啲基本野啦，就系芝士肠呀，墨鱼丸等等。不过值得睇嘅系，喺张纸上边嘅嘢食，有啲只系可以叫一次㗎咋，例如喺手打墨鱼滑，佢嘅墨鱼滑系新鲜做嘅，所以好弹牙。大家记住叫呀！仲有美国肥牛，澳洲牛柳粒而且佢哋嘅嘢饮都系任攞架，除咗汽水之外，仲有其他饮料，例如乌龙茶等等。