四季煲仔飯

营业中

休息中

天气转凉，又系食煲仔饭季节。由于好多餐厅都唔用炭炉的关系，宜家要揾间好食嘅煲仔饭好难。今日就试吓呢间超级up dup专食煲仔饭的餐厅。这间餐厅清一色都系啲木口木面、讲多2句都嫌你烦嘅阿姐，所以系完全无服务可言。咁黎得呢度食都预咗，但求阿姐唔好小我地。煲仔饭都系大路的配搭，价钱由$50起，视乎要几多个𩠌啦。我要咗梅菜滑鸡，老公要咗润肠排骨。等咗唔驶10分钟个饭就黎啦。唔知系咪好多人食霸王餐，好搞笑地系个饭一上枱就收钱。一开盖系好阵焦香的，我唔钟意咁多饭焦所以只焗咗一阵。梅菜滑鸡只得很少梅菜，鸡反而较足料。好明显个饭唔系由生米煲成的，而系蒸好后再落煲仔煲。饭明显唔够干身，饭焦唔脆，鸡略咸。可取的系唔贵，鸡滑。几十蚊都不能期望太高，没期望就无失望。但就应该无下次。