食雞

营业中

休息中

对于呢间系大角咀既食煲，一开始是没有抱什么期望而来的，因为个名开宗明义“食鸡”，一系就对自家的鸡煲好有信心，唔系就 gimmick 野黎者。既然晚餐本来就要食，就趁佢新开张$258试一试，估唔到食到年度最好味既鸡煲。鸡煲可以选择辣度，大葱，洋葱，芫茜既份量，识食一定多洋葱，令鸡煲多份甜味。4分钟食得，鸡肉一啖食落口感不得了，好嫩滑多汁，系呢几年食过最柔软得黎唔系死淋既鸡煲鸡肉，加埋个浓味酱汁好惹味。推介要加花椒食，麻而不辣，份量自己加。呢度既 prime 牛小排都布满雪花，质素很高。叫第二，三碟都保持一致既肉质。西班牙 iberico 梅头肉都好靓，薄切6一阵就食得，媲美日本豚肉。其余的饺子和丸类都唔系普通街市货，特别一提系扎肉，脂香甚丰。呢度地方好大，唔会焗，同隔离枱都有一定距离，岩晒一班朋友打边炉吹水。饮品有汔水，清凉爽，啤酒几款，加多少少就可以啤酒任饮了，太满足啦。值得一提厕所阔落同干净。