影片
更多
2017-11-26
1313 浏览
荃湾零舍多店有人排队，火腿奄列有人排、刀削面有人排、鸡煲有人排 、两档唔同嘅米线又系好多人排、 就连未煮嘅鸡蛋档同牛肉档都一样有人排。今次去嘅依档民丰粉面又系出名多人排，不过好彩我今日十一半点左右经过见无人排队所以就立即走咗入去买嘢食。虽然舖头开宗明义写明系粉面店，不过佢哋卖嘅粉面全部未经烹煮。而熟食就只有韭菜饼同埋粢饭，店内亦不设堂食。虽然韭菜饼的确系镇店名物，不过今次入手嘅目标系上海菜肉水饺。依啲手工嘢对于本地大众都市人来讲买嘅绝对系来买时间。当然嘴刁嘅香港人同凤凰无宝不落一样，唔系好嘢又点会可以屹立荃湾多年。其实由外面舖头招牌到走入舖内摆设格局、产品装璜收纳眼底就己告知区外生客民丰系几十年老字号名店。虽然今次时候早俾我撞彩唔洗排队，不过因所有产品新鲜即制、即包关系都要等三几分钟先有得攞； 择善固执，咁就解释晒平时点解会大排长龙，依分零两分钟等候就欣赏吓大姐们嘅手包功夫。今次其实亦试埋佢哋嘅粢饭，虽然糯米又甜又软，可惜馅料分量就觉得不足。15粒水饺回家煮其实都分咗两餐食。第一餐净水饺，滚熟加小小酱油就食得。上海水饺皮就系爱佢厚厚地够饱肚，水饺馅料够新鲜就乜都唔洗搅，小小肉汁同新鲜味
今次去嘅依档民丰粉面又系出名多人排，不过好彩我今日十一半点左右经过见无人排队所以就立即走咗入去买嘢食。虽然舖头开宗明义写明系粉面店，不过佢哋卖嘅粉面全部未经烹煮。而熟食就只有韭菜饼同埋粢饭，店内亦不设堂食。
虽然韭菜饼的确系镇店名物，不过今次入手嘅目标系上海菜肉水饺。依啲手工嘢对于本地大众都市人来讲买嘅绝对系来买时间。当然嘴刁嘅香港人同凤凰无宝不落一样，唔系好嘢又点会可以屹立荃湾多年。其实由外面舖头招牌到走入舖内摆设格局、产品装璜收纳眼底就己告知区外生客民丰系几十年老字号名店。虽然今次时候早俾我撞彩唔洗排队，不过因所有产品新鲜即制、即包关系都要等三几分钟先有得攞； 择善固执，咁就解释晒平时点解会大排长龙，依分零两分钟等候就欣赏吓大姐们嘅手包功夫。
今次其实亦试埋佢哋嘅粢饭，虽然糯米又甜又软，可惜馅料分量就觉得不足。15粒水饺回家煮其实都分咗两餐食。第一餐净水饺，滚熟加小小酱油就食得。上海水饺皮就系爱佢厚厚地够饱肚，水饺馅料够新鲜就乜都唔洗搅，小小肉汁同新鲜味就系咁简单。第二餐用来伴个即食面同样精彩。所以就算要自己动动手脚，开开火都有咁多客日日排队来买云吞、水饺，真材实料就系原因。
张贴
