影片
更多
2022-04-17
3109 浏览
太太四月中旬生日，不能打针嘅佢，本来叠埋心水谂住喺屋企煎牛扒。点知一个月前中咗肺炎，当佢知道佢免打针可以堂食，就点都话要食Omakase！隔离14日后计起，只有一星期时间，心谂边有可能book到。揾下同路人，睇到神川，就打去试下，竟然book到位上天待我不薄。叫埋电话入边负责人好详细咁问我哋几钱budget，想食乜嘢，有咩唔食得，有咩好怕食等等，问足5分钟，非常细心。西营盘神川个位置由地铁B1出口行去要5-7分钟，google map都未update街景，去到先睇到门口系咩样。一行入去，负责人已经同我哋讲，今日系我哋包场。我𠮶下有啲愕然，「到底系𠮶市静到咁定系咩事」，原来湾仔𠮶边满晒Booking，所以先叫我哋去西环，但系其实我本来就系谂住嚟西环。一坐低，佢就送上热茶，再同我哋倾吓计热下身。同我之前两次食Omakase个感觉好唔同，出面好多时都系吧枱，厨师唔会同你倾闲偈，但佢呢度系餐枱，我可以对着太太坐，负责人同我哋倾偈更加令到我哋心情放松，感觉非常好。食个方面佢好详细咁讲解，由头盘食乜嘢菜，唔单止讲解点样整，仲会话俾你知点解食呢款菜；中间食嘅鱼生喺边度嚟，做咗几多日熟成，点解要做熟成
隔离14日后计起，只有一星期时间，心谂边有可能book到。揾下同路人，睇到神川，就打去试下，竟然book到位上天待我不薄。叫埋电话入边负责人好详细咁问我哋几钱budget，想食乜嘢，有咩唔食得，有咩好怕食等等，问足5分钟，非常细心。
西营盘神川个位置由地铁B1出口行去要5-7分钟，google map都未update街景，去到先睇到门口系咩样。一行入去，负责人已经同我哋讲，今日系我哋包场。我𠮶下有啲愕然，「到底系𠮶市静到咁定系咩事」，原来湾仔𠮶边满晒Booking，所以先叫我哋去西环，但系其实我本来就系谂住嚟西环。
一坐低，佢就送上热茶，再同我哋倾吓计热下身。同我之前两次食Omakase个感觉好唔同，出面好多时都系吧枱，厨师唔会同你倾闲偈，但佢呢度系餐枱，我可以对着太太坐，负责人同我哋倾偈更加令到我哋心情放松，感觉非常好。
食个方面佢好详细咁讲解，由头盘食乜嘢菜，唔单止讲解点样整，仲会话俾你知点解食呢款菜；中间食嘅鱼生喺边度嚟，做咗几多日熟成，点解要做熟成，点样去做；牛肉系乜嘢部位，点样煮，点解咁煮法；甚至乎Wasabi点整等等。你听完之后，绝对会对𠮶份食物多咗几分敬意，你亦会食到佢𠮶份心意。佢亦都好老实咁同我哋讲，佢个甜品真系买返嚟。（讲真，就系佢呢份心意，令到一向唔写食评嘅我，用大半个钟嚟写呢一篇食评）
食完之后，由于包场嘅关系，我哋坐多咗半个钟同佢倾偈，成件事好开心。唯一有啲尴尬嘅系，我冇买生日蛋糕，所以我老婆都系嬲咗我…一阵咁多（食咗餐咁好嘅，都要嬲我？唔系呀吗）
张贴
