影片
更多
2015-10-12
2066 浏览
近期最钟意去既餐厅，系居酒屋。两个人坐得舒服，一班人食得开心，有空间俾你坐耐D，倾下偈轻松下。但系居酒屋一般都偏贵……又系土地问题，坐得咁耐自然要俾番场租。当然，有D居酒屋极高质素，自然收费就更贵，无话岩唔岩，只系我食唔起。今次系一个月内第二次黎到鸣门鱼市场居酒屋，咁短时间去而复返，唔系试过好多次。但系呢间居酒屋系几唔错－我好直接咁讲－价钱唔平，但系相比起其他居酒屋唔算贵，再加上近来做紧推广，令再黎既成本低好多，下文再详讲；另外，食物质素唔差，其实几ok；三黎环境、服务真系几好，几舒服……近年食野都好讲求服务质素，不食嗟来之食，环境好的先叫「放松一下」，如果唔系就真系纯粹「揾食」……之类之类……话休絮烦，首先入到门口，就见到用东亚咭卖单，叫野饮可以半价，包括有酒精野饮，睇到呢度真系身心开朗；仲未够！要够两杯仲会送多个蟹肉蟹籽沙律，虽然唔系咩贵野，但其实系开心既！各资深食家应该好熟悉，如果系银行同餐厅做呢D Joint promotion，通常都系咁意送杯无酒精饮品就算，唔会有咁多野送，仲包括埋D Sake啊咁，都可以半价。所以就叫左呢两杯：Orion 啤酒柚子蜜送既蟹肉蟹籽沙律，无咩特
今次系一个月内第二次黎到鸣门鱼市场居酒屋，咁短时间去而复返，唔系试过好多次。但系呢间居酒屋系几唔错－我好直接咁讲－价钱唔平，但系相比起其他居酒屋唔算贵，再加上近来做紧推广，令再黎既成本低好多，下文再详讲；另外，食物质素唔差，其实几ok；三黎环境、服务真系几好，几舒服……近年食野都好讲求服务质素，不食嗟来之食，环境好的先叫「放松一下」，如果唔系就真系纯粹「揾食」……之类之类……
话休絮烦，首先入到门口，就见到用东亚咭卖单，叫野饮可以半价，包括有酒精野饮，睇到呢度真系身心开朗；仲未够！要够两杯仲会送多个蟹肉蟹籽沙律，虽然唔系咩贵野，但其实系开心既！各资深食家应该好熟悉，如果系银行同餐厅做呢D Joint promotion，通常都系咁意送杯无酒精饮品就算，唔会有咁多野送，仲包括埋D Sake啊咁，都可以半价。
所以就叫左呢两杯：
Orion 啤酒
柚子蜜
送既蟹肉蟹籽沙律，无咩特别：
牛肉寿喜烧，唔理正唔正宗啦，冬天开始转冻，好钟意咁样食D热辣辣既野，牛肉唔错，有牛味唔会太韧，加埋只蛋落去，暖笠笠太正斗了：
蒜香鸡软骨（之类啦），几好食，软骨当然味淡，够热又加左蒜就好香口，岩送酒：：
天妇罗热稻庭乌冬，鲣鱼汤底，烟烟韧韧，唔错，但系个天妇罗既色水话俾我听，可能用D油要换一换啦：
烧秋刀鱼，味道OK：
味道未系超凡入圣，但系整体食落系舒服既。然后，食左4百几蚊，就送左4张呢只coupon，下次食野食200蚊就可以用1张，即系半价罗！半价就真系好抵啦！只可平日晚餐用，想饮两杯轻松下，食物OK好食，黎呢度就几岩。不过我又星期六去，上次有个几张Coupon就用唔到。另外，可能系因为呢间生意唔系太好，我见佢唔系好Full，所以先有咁既Promotion，应该真系可一不可再，要把握机会啦！
真系值得食，所以我推介。虽然系集团，但系系值得去既！
张贴
