元祖沾麵專門店

营业中

休息中

嚟到尖沙咀又想食日本嘢啦， 今日我哋喺厚福街附近， 朋友提议呢间元祖沾面专门店， 佢话之前食过觉得几好食。 原来呢度啲沾面都几有创意㗎，有好多唔同嘅配搭，我见到有芝士、海胆、龙虾、蟹黄、鲍鱼、帆立贝、赤虾等嘅款式， 真系几新奇。 我对虾汤比较有兴趣，所以叫咗个赤海老沾面， 朋友就叫咗芝士海胆沾面， 个面上到枱 个汤系用个石锅装住， 保暖得好啲， 沾面嘅汤keep住热好紧要㗎，影完相就好快要开始食。 啲面条都算弹牙， 开头汤够热嘅时候系最好食， 因为一加咗面落去个汤就会开始凉。 我个虾汤未食已经闻到好香，加埋啲面同配菜落去一齐食真系超级好食! 钟意虾嘅朋友一定唔可以错过， 我觉得比喺普通鱼介汤底或者豚骨汤底更加好食。 朋友嘅芝士海胆沾面 一望就觉得好邪恶，个汤底都比较杰， 我同朋友都话个虾汤好食啲，因为个芝士海胆虽然都几好食，但系咸咗啲，同埋我地唔钟意个汤底太杰。 我朋友话下次会叫我个虾汤沾面 。我觉得呢度嘅啲沾面都唔错呀，价钱都合理，位置方便，环境又算干净，服务亦都ok。 如果有时谂唔到食乜，呢度都系个唔错嘅选择。