竹麓拉麵

营业中

休息中

喺网上见到呢间拉面好似几耍家下，见佢咁近湾仔地铁站就过去湾仔试一试佢哋啲拉面得唔得。餐厅系一楼，地下有个好大嘅红色鸟居，大大个人形纸牌写住日本传奇拉面大师竹麓辅创办嘅拉面店。餐牌有豚骨汤、鸡白汤、味噌汤几种唔同嘅汤底，仲有和牛肉盐酱油拉面，仲话系来店必选就试吓呢一碗。再叫咗一个茄子慢煮牛肉做小食。拉面好有和牛嘅油香，真系要趁热食。面头有成四五片高质嘅和牛，仲有半只溏心蛋，只蛋唔系剩系得味醂同酱油味，几特别。𠮶个盐酱油汤底，唔系好浓，系淡丽风再加上浓浓嘅和牛油香，冬天食几唔错。另外个小食，其实系用和牛片包住慢煮茄子，再加上照烧酱汁，入口即溶，超级好食。全部餐都好油，所以叫咗杯乌龙绿茶解油腻，杯茶有绿茶香之外，又有乌龙嘅回甘，作为茶饮之中都几高质。