樂天大喜屋 (已結業)

今日劲开心！收到房署嘅短讯话我抽到居屋！！！可以去拣楼下个星期五.夜晚就去食餐劲㗎啦！ 九点钟去咗旺角大喜屋，248+1, 价钱就正常啦食物都几多，食物质素可以啦。又唔系特别好食又唔会话好难食。但真系好嘈，个气氛麻麻地，啲位摆到好迫。值得一赞就系佢个雪糕甜品，佢系有一个北欧嘅牌子essxxxxx, 几好食。另外其实我觉得有少少失望就系其实我劲钟意食粉丝蒸扇贝，但系唔知点解佢个粉丝蒸扇贝呢，系粉丝还粉丝，佢系蒸完只扇贝先至放几条粉丝落去，完全令人觉得奇怪失望痛心